General Santos City–Patay ang usa ka lalaki nga naila sa pangalang Ben San, 59 anyos , lumulopyo sa may Sitio Balite, Barangay Alkikan, Malungon Sarangani Province, human kini gidunggab sa iyang silingan.
Nasayran nga bandang alas 4:30 sa hapon una nang nakig-inum ang biktima sa iyang mga kabanay apan kalit lang matud pang niabot ang suspetsadong si Castro Cawag.
Mideritso sulod sa panimalay sa biktima ug gipangkaon ang pagkaon sa sa nahisgutan hinungdan kini gisita.
Inay mupatuo ang suspek nga si Cawag nasuko na hinuon kini hinungdan nagkabingkil ang duha nga merisulta sa pagpanunggab asa ang biktima ang nakahiagum ug unom ka mga samad dinunggab sa iyang nagkadaiyang parte sa kalawasan. (Ray Sabillo)
Facebook Comments
