Davao City – Sikop sa Sta. Ana Police Station sa managlahing buy bust operation ang mga dinakpan nga mao sila Elmer Malian, 43 anyos, school supplies buy and seller; Muhammad Sultan, 29 anyos, tricycle driver, parehong residente sa Purok 19 Brgy. 76-A Bucana; Marlon Yonson, 38 anyos, assistant beautician, nagpuyo sa Spring Valley Vermillion, St. Maa; ug Cyrus Saraka, 36 anyos, taga Purok 2 Island Garden City of Samal (IGACOS).
Sumala pa napalitan sa kapolisan og duha ka pakete nga shabu ang upat ka mga suspek kambiyo ang P1,000.00 nga buy bust money apan wa kabantay ang mga suspek nga ang ilang gikatransak mga sakop sa awtoridad resulta sa pagkasikop.
Narekober sa kapolisan ang upat ka sachet sa shabu ug laing usa ka big rectangular heat sealed transparent plastic sachet nga gibana-banaang mokantidad sa P14,000.00 diin lakip nakuha ang mga illegal drugs paraphernalia.
Subay sa monitoring sa kapolisan ang upat ka suspek nalakip sa drug watchlist ug sagad mga customers mga drivers ug individuals nga walay trabaho sa Brgy. 76-A Bucana, Davao City.
Kasong kalapasan sa Republic Act 9165 (Comprehensive Dangerous Drugs Act of 2002) ang atubangong kaso sa mga dinakpan.
RadyoMaN Don Pulayao
