Davao City – Dakpan sa managlahing buy bust operation sa San Pedro Police Station ang usa ka tambay ug pintor human napalitan sa kapolisan ug shabu ug pito ka putos nga pinaugang dahun sa marijuana.
Ang dinakpan nailang Jhon Lloyd Delegante, alyas Balong, 18 anyos, residente sa V. Mapa Street, Brgy 12-B siyudad sa Davao ug laing usa ka pintor ang nasikop nailang Ryan Mark Bibangco Peliño, alias ‘Ayan’, 37 anyos, residente sa Purok 17, Datu Loho Village, Brgy. Maa, siyudad sa Davao human nakuha’ag usa ka square transparent plastic heat-sealed sachet nga shabu nga mutimbang og 5 gramos nga mukantidad sa P30,000.00.
Lakip nakumpiska ang usa ka cellphone ug mga illegal drugs paraphernalias.
Samtang laing duha usab ka drug pusher ang nadakpan sa kapolisan Sta. Ana nga sila Christopher Navales, alias Pangpang, 30 anyos, residente sa Bucana, Brgy. 76-A, narekober gikan sa iyang posisyon ang unom ka paketeng shabu nga dunay estimated street market value nga P7,000.00 ug laing Jesy Anhao, 34 anyos, taga Km. 12, Sasa nakuhaa’g duha ka paketeng shabu kantidad og P3,500.00.
Subay sa monitoring sa kapolisan ang upat ka dinakpan nahiapil sa drug watchlist ug gipriso na sa kapolisan sa Sta.Ana ug San Pedro.
Kasong kalapasan sa R.A 9165 kun Comprehensive Dangerous Drugs of 2002 ang kasong atubangon niini.
RadyoMaN Don Pulayao
