Davao City – Upat ka mga wanted person ang gipangsikop sa kapolisan sa Sta Ana human gisilbi ang warrant of arrest atol sa gipahigayon nga Anti-Criminality and Terrorism Clearing Operation ubos sa mando ni Police Chief Inspector Nolan Raquid ang Station Commander sa Sta. Ana.
Base sa Blotter sa Sta Ana Pnp, ang upat ka mga dinakpan mao sila si Pervical Tabucanon, 47 anyos nga taga Barangay 21-C Piapi Boulevard nga dunay kasong kalapasan sa Presidential decree 1602, Rogelio Duarte, 37 anyos residente sa Purok Fatima Brgy Aquino Agdao ning siyudad nga dunay kasong attempted homicide.
Lain pang nadakpan mao si Junjun Polinio, 31 anyos nagpuyo sa Purok Sta Cruz Barangay 21-D nga dunay kasong kasong kalapasan sa 9165 kun Comprehensive Dangerous Drugs Act of 2002 ug si Tessie Florez, 41 anyos nga taga Barangay 76-A dunay kasong kalapasan sa SSS Law.
Ang upat ka mga dinakpan balhog na sa prisohan.
RadyoMaN Don Pulayao
