GENERAL SANTOS CITY- Wala na makapadagan og paspas ang upat ka mga hinete nga nagpahigayon og drag racing human silang masikop sa mga pulis Myerkules sa hapon sa may Purok Udagre, Barangay Conel ning siyudad.
Sumala sa hepe sa San Isidro Police Station nga si Police Captain Brent Ian Salazar, giila ang mga nadakpang hinete nga silang Jeff Van Altchor Torrion, 18; Henrico Ali Ampatuan, 18, parehong residente sa Barangay Sinawal; Elezer Enomlay Magpulong Jr., 23 sa Barangay San Jose ug si Joebert Atizor Allaga, 21 anyos nga residente sa Barangay Labangal.
Dugang sa impormasyon ni PCapt. Salazar, nakadawat sila og report gikan sa concerned citizen nga adunay nagpahigayon og drag racing sa maong lugar hinungdan gi-verify sa mga intel operatives sa presinto og napamatud-an nga may iligal nga aktibidad.
Gi-respondehan sa mga pulis ang nasangpit nga dapit og nataymingan ang mga suspek nga aktong magkarera na sa ilang mga motorsiklo.
Napugngan og nakumpiska ang tulo ka mga motorsiklo ingon man ang gambling money nga 800 pesos.
Mag-atubang karon ang mga suspek og kasong pagsupak sa Presidential Decree 1602 o illegal gambling samtang gipaubos sa kustodiya sa Police Station 4 ang mga suspek.
For more info’s and updates, like and share our official facebook account : www.facebook.com/ifm91.9Gensanofficial/
#TatakRMN #IFMAngIdolKongFM #RMNnetworks #ReachingMillionsNationwide #RMNFoundation
[image: dakpan nag drag race.jpg]
