General Santos City—-Magpadayon ang kampanya batok illegal nga droga sa PDEA 12 panahon sa pasko ug bag-ong tuig. Kini ang gibutyag ni PDEA 12 Director Naravy Doquiatan.
Sumala niya nga gitunga na sa managlahing grupo ang mga personahe sa PDEA aron nga matutukan ang mga operasyon batok illegal nga droga.
Pagpaklaro niya nga panahon sa pasko ug bag-ong tuig mas ginapakusgan nila ang kampanya batok droga gumikan sa maong panahon adunay mga tawong naga-gawas-sulod sa rehiyon.
Samtang sa hisgutanang lambigit sa droga, gipaklaro ni Dir. Doquiatan nga wala ginabawalan ang mga anaa sa drug watchlist nga mupapili sa unsa mang posisyon sa gobyerno.
Pagkumpirma niya sa human ang filing sa certificate of candidacy, adunay upat ngadto na lima ka mga kandidato ang anaa sa watchlist sa PDEA nga buot mulansar saq pwesto.
Apan nagdumili una kini sa pagbutyag sa mga pangalan isip proteksyon nga usab ngadto kanila.
