Davao City – Padayon karong ginaimbestigahan sa kapulisan ang hinungdan sa nahitabong disgrasya sa Apokon, Tagum City, Davao del Norte alas 3:00 sa kaadlawon kagahapong adlawa (Oktubre 3, 2022) diin upat (4) ka tawo ang natalang patay.
Sa interbyu sa DXDC RMN Davao kang Police Corporal Gapeth Dano, personahe sa Tagum Police PNP, gibutyag niini usa ka pick-up truck ug usa ka motorsiklo ang nalambigit diin pulos hamtong ang mga namatay tungod sa kakusog sa pagkabangga.
“Actually, walay minors, puro adults (ang casualties). Mura’g naa nadala (sa ospital) pero wala gihapon (natabang) – dead on arrival.”
Ginasuta pa karon ang identity sa mga biktima ug kung unsa ang mamahimong kasabutan sa duha ka kampo samtang, anaa na sa kustodiya sa kapulisan ang driver sa pick-up truck.
Nasayrang miresulta usab sa emergency power interruption sa pipila ka lugar sa syudad human naguba ang usa ka poste tungod sa insidente.
RadyoMaN Kirby Manzon
Facebook Comments
