Mati LGU: Pagtaas pa sa ihap sa turista gilauman

36
Davao City – Gipangandaman na sa Local Government of Unit (LGU) sa Mati, Davao Oriental ang pagdagsa o pagtaas pa sa ihap sa mga turista karon nga tuig, 2022.

Atol sa Kapehan sa Dabaw press conference, gibutyag ni Ben Jason Tesiorna, Information Officer sa Mati City, niadtong 2019 o wala pa ang COVID-19 pandemic, anaa sa 272,400 tourist arrivals ang natala sa syudad ug kini miubos ngadto sa 203,986 sa 2020.

Hinuon, nitaas kini sa 369,225 sa milabay nga tuig, 2021 ug gilaumang kini mutaas pa una mahuman ang tuig.

“So as of August, we already have 260,126 tourist arrivals for this year. So, we expect to achieve about 500 thousand for this year, for 2022 tourist arrivals,” butyag ni Tesiorna.

Dugang sa opisyal, ubay-ubay sa traditional activities sa dakbayan ang ibalik diin kini himuong face-to-face sama kaniadto.

Pipila sa ginapangandaman sa lokal nga panggamhanan mao ang pagbalik sa Sambuokan Festival nga ipahigayon sa Oktubre 21 hangtud 31, 2022.



RadyoMaN Kirby Manzon

Facebook Comments