Kasamtangang gisarado ang main road sa lungsod sa Salvador, Lanao del Norte, human ang pinusilay tali sa duha ka political group sa Salvador, Lanao del Norte.
* Hulagway gikan kang Michael Navarro
Upat ang samaran dihang nagka engkwentro ang mga supporters sa duha ka mga nagpapiling mayor sa Salvador, Lanao del Norter, alas 10:00 ang takna sa buntag atubangan sa municipal hall sa Salvador.
Gibutyag ni Police Major Glyndo Pujanes, ang hepe sa Salvador Municipal Police Station, nga ang mga samaron miyembro sa duha ka mga nagbangi nga grupo nga duna nay karaan nga panagbingkil.
Duha sa mga biktima ang sakop sa grupo ni Farhanie Ampaso Tawantawan, nga midagan pagka mayor ilalum sa Partido Federal ng Pilipinas-Hugpong Ng Pagbabago, samtang ang laing duha mga sakop ni Bebot Umpa, usa ka kandidato sa pagka mayor illaum sa Partido Demokratiko Pilipino (PDP Laban).
Si Tawantawan ang asawa sa incumbent mayor sa Salvador.
Sumala ni Pujanes, nga miagi ang grupo ni Umpa atubangan sa municipal hall dihang nag sugod ang commotion nga miresulta sa binayloay ug buto.
Ang pamilya Umpa ug Tawantawan naila nga political rivals sa Salvador.
Niadtong 2016 election campaign, kun asa midagan si Umpa sa pagka mayor batok sa bana ni Farhanie Tawantawan, nalambigit usab sa pinusilay ang duha ka grupo nga miresulta sa pagkamatay sa inahan ni Umpa.
Ang maong kaso anaa pa gihapon sa korte.
