Davao City – Sikop ang upat ka mga indibidwal human kini nadakpang nagpasugal atol sa gilusad nga Anti-Illegal Gambling Operation sa Talomo PNP.
Naaresto sa kapulisan sila si Carlitos Tolentino Bautista, 45 anyos, Henry Goloran Ostos, 58 anyos ug usa ka senior citizen nga si Bebang, 66 anyos human kini gipatadan sa usa ka poseur-bettor sa may Bangkal ning syudad.
Nakuha gikan sa mga suspek ang 100 peso bet money ug uban pang gambling paraphernalia.
Samtang sikop usab si Cipriano Tancontin Bandon nga nakapuyo sa may Matina Pangi ning syudad human kini naabtang nagadawat og patad sa last two.
Nakuha kaniya ang bet money nga 75 ka pesos ug mga illegal gambling paraphernalia.
Sa kasamtangan gi kustodiya na sa Talomo ang mga dinakapan samtang gipasa ang maong kaso sa General Investigative Section.
RadyoMaN Paul Canono
