Gipahayag sa 403rd Infantry Brigade nga adunay upat ka mga sakop sa New People’s Army kon NPA samtang 2 ka sundalo ang namatay atol sa nahitabong engkwentro tali sa kasundaluhan ug sa mga NPA sa Sitio Green Valley, Dalwangan, Malaybalay City niadtong Huwebes sa alas 9:45 sa gabie.
Matud sa 403rd Infantry Brigade nga mukabat sa 11 ka sundalo nga nagbutang ug Patrol Base sa mao nga dapit ang giharass sa 30 kapin kon kulang ka mga miyembro sa NPA.
Human sa mao nga panghitabo narekober sa kasundaluhan ang 2 ka M16 rifles, 2 ka anti-personnel mines nga gikonektar sa 200 meters lone electrical wire nga wala kini kabuto ug duha ka bala sa M16.
Gikondena usab sa 403rd Brigade ang paggamit sa anti-personnel mines sa mga NPA.
Sa interview sa RMN ngadto kang Cpt. Ryan Layug, ang CMO ug spokesperson sa 403rd Brigade gikondena niini ang paggamit sa mga NPA sa anti-personnel mines nga gibawal sa Ottawa convention tungod sa damyos nga himoon niini sa lawas sa tawo.
Sigun niya nga ang mao nga klase sa pambusikad gigamit sa mga terorista sama sa ISIS.
Samtang, gipaabot usab ni 1st Special Forces Battalion, Commanding Officer Lt. Col. Sergi Macarandan Jr. ang iyang pahasubo ngadto sa pamilya sa mga sundalong namatay sa engkwentro dungan sa direktiba sa iyang tropa nga padayonon ang ilang pokus aron sa pagpuhag sa NPA pinaagi sa Community Support Program.
