Ramon Magsaysay, Zamboanga del Sur – Kasong reckless imprudence resulting in homicide and multiple physical injuries ang posibleng atubangon sa driver trailer truck human gisungag niini ang lima ka sakyanan ug usa ka motorsiklo nga iyang kasugat didtong dapita sa National Higway sakop Purok 1, Brgy. Esperanza sakop sa Lungsod sa Ramaon Magsaysay, Zamboanga del Sur alas 2:15 niadtong sabado sa hapon.
Sa inisyal nga imbestigasyon gikan sa Ramon Magsaysay Municipal Police Station nasayran, nga samtang nagdagan Trailer Truck nga kargado sa 800 ka sako nga asukal nga gimaneho ni Fructoso Ponce Bation, 54 anyos taga Tinggabulong, Dimataling, ning probinsya nisulay kini pag-una sa gisundan nga Dumptruck nga gimaneho ni Ramelito Quintero Denoyo, apan nawad-an sa control ang driver sa trailer truck dihang kalit nga nipreno ang iyang gisundan ug nalahus kini sa laing sakyanan nga iyang kasugat.
Lakip nga gi-ungad sa Trailer Truck ang Kia Bongo nga gimaneho ni Esteban Banosia , 38 anyos, residente sa Caridad, Dumingag.
Guba usab ang Honda City nga gimaneho ni Edgar Muerong, 48 anyos ug nagusbat usab ang lain pang gisungag nga Forward Truck, Bongo Color Blue ug motorsiklo.
Tulo ka indibidwal ang namatay sa maong aksidente nga nailang sila si si Esteban Baniosa II, Benny Pasion , Armando Bunayog 41, anyos, truckman, lumulupyo sa Kapalaran, Tambulig, Zamboanga del sur ug nakabsan usab si Julio Andales, 54-anyos truckman sa Kia Bongo taga Purok Caimito, Tuburan District, Pagadian City.
Nagpa-alim usab sa ospital ang upat ka mga samaron ug apil na niini ang usa ka police nga nailang si Reglin Somobong Pepito.
