UPDATE | Alias ‘Palos’, gin-quarantine na sa isolation facility sang BJMP sa Dumalag!

Roxas City, Capiz – Gindul-ong na sa isolation facility sang BJMP sa banwa sang Dumalag ang 18- anyos nga persona nga ginhingadlan kay alias ‘Palos’.
Ini ang ginkumpirmar ni CDRRM Officer Mr Dinnes Saneo sa interview sang news team.
Suno kay Saneo, nagkuha anay sila sang court order sa Roxas City Hall of Justice antes nga gin-transport ang amo nga persona padulong sa banwa sang Dumalag.
Sa madumdoman, makaduha ka beses nga nakapalagyo ang amo nga persona sa Crisis Center Poluy-an Sang Pagpalangga sang Syudad nga nahamtang sa Barangay Inzo, Roxas City.
Ini ang gindakop sang COVID Task Force bangud nga tested nga positibo sa COVID – 19 ang amo nga persona.