UPDATE: Bangkay sang nalumos nga bata nga lalaki sa banwa sang President Roxas, ginlubong na!

87

President Roxas, Capiz- Ginlubonng na sa Boac Cemetery ang 12- anyos nga bata nga nalumos sa suba sa banwa sang President Roxas.
Ini matapos nga nakit-an ang bangkay sang biktima kaina alas 10:30 sang aga sa kanipaan sa Brgy Pundol, President Roxas sang tatlo ka mga kabataan nga nagapanguha sang panginhason.
Ginkatingala sang mga ini kun anu kag sa diin naghalin ang tuman ka baho kag nagtampad sa ila ang nagakaagnas nga bangkay sang grade 6 pupil nga biktima.
Gilayon ang mga ini nga nagpauli para nga ipahibalo sa mga ginikanan ang nakit an samtang nagresponde man ang mga katapo sang Philippine Coastguard- Pilar kag mga barangay officials.
Sa madumdoman nga sang hapon sang Domingo ginapahayag nalumos ang biktima samtang nagapaligos kaupod ang mga abyan sa suba sa Brgy Carmencita President Roxas.
Antes sini, nakit an pa ang mga bata nga nagapanamang malapit sa suba sa Capiz Sugar Central sa Poblacion President Roxas.
Matapos nga mabendisyonan sa simbahan ang bangkay sini, gindesisyonan sang pamilya nga ipalubong na lamang ang amo nga bata.
📷 RadyoMaN Joe Deserva

Facebook Comments

From Advertisers