LEON, Iloilo – Nagapati si PENRO Chief Atty. Bong Cangrejo nga dredging ang ginahimo sang 2 ka backhoe sa suba sang Leon nga kabahin sang operation sang National Irrigation Authority.
Suno kay Cangrejo, iya nadumduman nga nagpadala sang sulat ang National Irrigation Authority (NIA) sa PENRO duha ka semana na ang nagligad nga nagapahibalo nga luyag nila i-dredge ang lugar.
Ini ang pagklaro ni Cangrejo matapos nakuhaan sang litrato ang 2 ka backhoe sa suba sang Leon nga ginapatihan nagapatigayon sang quarry operations.
Ginpahayag ni Cangrejo nga base sa ila pag-istoryahanay sang NIA, nagakinahanglan nga i-dredge ang suba agud mabuhinan ang siltation ukon bun-od/lay-on nga nagapugong sa tubig nga magpanaog sa NIA dam.
Nahibaluan nga napahamtang sa idalom sang taytay ang irrigation dam sang NIA.
