Roxas City, Capiz – Ginpalawig tubtob sa Setyembre 12, 2021 ang pagbawal ukon pagdumili sa interzonal travel halin kag pakadto sa Capiz halin sa NCR.
Ini matapos nga ginpabilin sang IATF sa Modified Enhanced Community Quarantine(MECQ) ang Metro Manila kag iban nga parte sang NCR bangud sa padayun nga pagsaka sang nabalhag nga kaso sang COVID sang mga nakaligad na adlaw.
Nagakahulogan nga ginapaiway anay ang inbound travels sa sulod sang lima(5) ka adlaw.
Samtang sa mga residente nga may yara sang plano nga magpauli sa probinsya sang Capiz, ginpahanumdom sang PDRRMO nga kinahanglan lamang mag-comply ang mga ini sang requirements kapareho sang:
1. NEGATIVE RT-PCR RESULT nga ginkolekta 72-oras antes ang byahe
2. TRAVEL COORDINATION PERMIT nga gin-issue paagi sa S- PASS
Ang nasambitan nga mga requirement ang dapat nga kumpletuhon sang tanan nga mga travelers maluwas lamang sa mga opisyales kag empleyado sang National Government Agencies.
Ang Interzonal Travel amo ang movement halin ukon pakadto sa mga probinsya, highly urbanized cities(HUCs) kag independent component cities nga yara sa magkatuhay nga community quarantine classifications.
