Cuartero, Capiz – Napasaka na sang mga kapulisan sang Cuartero ang lima ka kaso kontra sa persona nga si Jovil Onato angut sa natabo nga shooting incident sa binalyehan sa Brgy Putian nga ginkamatay sang 29-anyos nga si Mery Cris Dellava matapos ini ang nasalabat.
Suno sa hepe sang Cuartero PNP nga si Police Captain Maria Socorro Borio, kaso nga direct assualt, pagbayolar sa RA 10591 ukon illegal possession of firearms, paglapas sa naga-eksister nga Comelec gun ban, resisting arrest kag attempted murder ang atubangon ni Onato.
Sa subong yara sa gihapon si Onato napaidalom sa hospital arrest samtang ginahulat pa nila ang resulta sang ballistic examination sang armasluthang nga .45 caliber pistol sang amo nga persona.
Una na nga ginsiling ni CPPO Provincial Director Police Colonel Canilo Fuentes nga ginpaidalom naman sa restrictive costudy si Police Corporal Almar Quiachon samtang ginahulat ang ballistic examination sang ginapanag-iyahan sini nga .9 mm caliber pistol kun ayhan ang pusil sini ang nakapilas sa biktima nga si Mery Cris Dellava.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
