CATBALOGAN CITY, SAMAR – Usa an kompirmado nga patay ngan 9 an samaran matapos nga bumunggo an usa nga bus ha Rizal Avenue, Catbalogan City, Samar nga ginsasakyan han mga delegado han DEPED Tacloban Division nga tipakadto unta ha Calbayog City, Samar para han EVRAA 2018.
13 nga sarakyan an gin-bunggo han mao nga bus nga may plate number 073208 nga gin-mamaneho ni Anecito Lumbre, 55 anyos nga residente han Ridgeview Cabalawan, Tacloban City.
Ginkilala an namatay nga hi Adriano Sonio, 65 anyos, usa nga dried fish vendor nga residente han Brgy. 9, Catbalogan City, Samar.
Dayon naman nga gindara ha hospital an 9 nga samaran nga ginkilala kan Evelyn Roque han Bunuanan, Catbalogan, Monalisa Cuna, Jabonero han Malobago, Jiabong Samar, Elena Roque Jabiquero han bBunuana Catbalogan, Ricardo Paragatos Mabansag han Brgy. Monuz, EusebiaLlama han Brgy 9., Danilo Esquirdo Dacula han Brgy. Maulong, Nelson Quijano Mabilangan, Maria Leyson ngan Martin Rod Leyson nga residente han Valles, Daram Samar.
Base ha insyal nga imbistigasyon han mga otoridad, nawarayan hin preno an driver han bus rason han pagkabunggo hini ha 13 nga sarakyan.
Pagklaro han DEPED Tacloban Division, waray athlete nga sakay han mao nga bus.
