Update: NPA high ranking officer kag apat ka mga kaupdanan, patay sa engkwentro sa Lake Sebu, South Cotabato.

40

Lima ka mga miyembro sang New People’s Army (NPA) ang patay lakip na ang ila nga high ranking official sa ginpatigayon nga law enforcement operation sang gintingob nga pwersa sang Lake Sebu Municipal Police Station kag 5th Special Force Batallion sa idalom sang 6th Infantry (KAMPILAN) Division sa Lake Sebu, South Cotabato kagaina sang aga, Disyembre 2, 2020.
Ginkilala ang mga miyembro sang NPA nga napatay nga sanday Romeo Libron kag asawa sini nga si Merly Libron, Rogelio Magsaya kag duha nga iban pa nga ginkilala lamang kanday Macoy kag Megan.
Suno pa si Libron ang head sang Regional Ordnance sang Southern Mindanao Regional Command (SMRC) kag amo ang subject sang warrant of arrest sa kaso nga murder kag iban pa.
Ginsalakay sang tropa sang militar kag PNP ang “hideout” sang mga suspek sa Sitio Kibang, Brgy. Ned sa nasambit nga banwa alas 5:00 kagaina sang aga.
Suno pa sa pagserbi sang nasambit nga warrant of arrest ginpaulanan sang bala sang mga armado nga kalalakihan ang arresting officers amo nga nagbalos ang mga ini nga nagresulta sa pag-neutralize sang lima ka mga miyembro sang NPA.
Narekober naman ang mga armas luthang kag iban pa nga war materials kapareho sang Elisco M16 Rifle, isa ka unit sang Carbine with defaced, 2 ka IED, 2 ka Improvised Blasting Caps, 1 ka Cal.45 Pistol, 1 ka Cal.40 Glock 19, IED Components,dokumento sa paghimo sang IED, Identification Cards, Cellphones, Flash Drives, Blood Pressure Apparatus kag iban pa nga mga importante nga dokumento.
May-angot sini, ginpahayag ni Major General Juvymax Uy, Commander sang 6ID kag head sang Joint Task Force Central nga ang JTFC upod ang iban pa nga law enforcement agencies ang nagpromisa nga tapnaun ang Communist Terrorist Group kag mga armado nga nagapanggamo.
Samtang, gindayaw naman sang JTFC Commander ang tropa sa ila pagtinguha nga mangin matawhay ang South Central Mindanao paagi sa pagtapna sa CTG.
Ginkilala niya man ang pagmadinalag-on sang operasyon paagi sa hugot nga kooperasyon sang komunidad nga kapoy na suno pa sa nagaluntad nga kinagamo.
credit to 6th Infantry Division – Kampilan

Facebook Comments