Roxas City, Capiz – Aminado ang OIC Chief of Hospital sang RMPH nga si Dr. Ramon Berjamin nga may kakulangan ang nurse nga nag-atinder sa napatay nga 71-anyos nga si Dolores Francisco. Apang kadungan sini iya ginpunto nga wala napatay ang amo nga persona bangud sa kapabayaan sang ospital.
Suno diri nga wala dapat ginsugo sang nurse ang bantay sa pagpainom sang bulong sa pasyente. Suno kay Berjamin, nagpaathag naman ang nurse nga ginhimo niya ini agud tudloan ang pamilya sang pasyente kun paano maghatag sang bulong kun sila na ang madischarge.
Suno pa kay Berjamin nga reinfarction ang ginkamatay sang pasyente matapos ini ang ginsaylo sa female ward halin sa Intensive Care Unit(ICU).
Gindugang pa sini nga base sa ila imbestigasyon sa iban nga mga bantay sang pasyente sa ward, ginpasuyop sang tubig sa straw ang pasyente sang iya bantay.
Bukas man ang pamunoan sang RMPH sa pahayag sang pamilya sang napatay nga pasyente nga ipaidalom sa autopsy ang bangkay sang ila himata agud mahisayran gid ang kabangdanan sang kamatayon sini.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
