UPDATE | Pari nga nagpalupok sang armasluthang sa banwa sang Dumarao, napasakaan na sang kaso!

Dumarao, Capiz- Ginpasakaan na sang kaso ang pari nga nagpalupok sang armasluthang sa banwa sang Dumarao sang nakaligad nga gab-e sang Sabado.
Kaso nga paglapas sa R.A 10591 ukon illegal possession of firearms ang atubangon ni Fr. Federico Lim y Yap matapos nahibaloan nga expired na ang lisensya sang ginpalupok sini nga Caspian caliber .45 pistol.
Suno sa imbestigasyon sang mga katapo sang Dumarao PNP, naakig ang pari nga si Fr. Federico Lim, 45-anyos sang Brgy. Bailan, Pontevedra, Capiz sang nakit-an nga nakaharang sa mismo sang gate sang kumbento ang mga motorsiklo nga ginapanag-iyahan sang mga pamatan-on.
Iya ini nga ginpangtumba kabangdanan nga nagluntad ang mainit nga argumento sa tunga sang mga ini nga nagresulta pa sang paghangkat sang grupo nga magpanaog ang suspek apang sa baylo, nagkuha ini sang armasluthang kag nagpalupok.
Ginapahayag nga naka-inom ang amu nga pari sang matabo ang insidente.

<www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments