Ya subi ya asegun na dies el muerto na explosion que ya occuri enantes pasada alas sinco del aga na detachment del militar locao na sitio Magwakit,brgy Colonia ciudad de Lamitan.
Na dies muerto, un soldao nombrao como si Cpl Samad JUmah, cadre del Cafgu, cuantro cafgu nombrao como canda CAA Muid Manda, CAA Adzlan Abdula, CAA Titimg Omar, CAA Hermilito Gapo hijo,y sinco ya maga civilian base na mas reciente imbestigacion del police.
El alcalde del Lamitan Mayor Rose Furigay, ta apela con maga vivientes del ciudad de Lamitan para esta calma y vigilante amediante con este suceso, siendo talli el presencia del maga otoridad.
Ensiguidas tambien ya conveni el Provincial Peace and Order council que ta encabesa el mismo Gobernador del Basilan Hadjiman S. Hataman-Saliman paraber descuti maga medidas que puede previni con ontro maga semehante suceso.
