Nakasinati hangtud kuman nan kalisang daya kahadlok an mga residente sa syudad nan Surigao sanan lungsod nan San Francisco Surigao del Norte tungod sa intensity 5 .1 na paglinog sumaya sa record nan PHIVOLCS ,alas dose baynte kwatro sajo sa kaadlawon.Nakurat an mga residente na nangatuyog na sanan kalit na nanggawas sa ila panimayay tungod sa kalit na pagkawaya sa koryente na mibalik ra isab dajon human an 30 minutos kapin kon kuyang. Kahinumdoman na sajo kahapon sa hapon (Hulyo10,2018)isab sa may alas 3:58 mitay-og isab nan 4.7 mag. na gikahadlok sa mga residente. Hangtud kuman dili makatoo an mga residente na ini jaun lamang sa gikusgon na intensity 5 kay pareho man an gikusgon nan ini sa pagtay og sa milabay na tuig na diin miabot sa mag 6.7. Hangtud sa ato pagpatik nan ini na report padajon na gipaabot an mga report sa mga kabarangayan o kalungsuran sa posible na damyos na nasinati labina an gikan sa San Francisco,SDN na amoy pirmi sentro sa mga pagtay og sa nanlabay na mga adlaw o buyan.
