Davao City – Gikumpirma karon sa Bureau of Fire Protection (BFP-Davao) nga tulo na ang patay sa nahitabong sunog alas 3:30 sa kadlawon sa usa ka panimalay sa Blk. 22 Lot 8, Oxford St., NHA Buhangin Village ning syudad sa Davao.
Wala na kaikyas sa nahitabong sunog ang mga biktima nga mao sila si Christopher Pascual, 44 anyos, asawa niini nga si Rose Pascual ug ang kamanghuran niini nga si Camille Pascual, 12 anyos, kinsa nakita’ng nag gaksanay samtang luwas ug nagpaalim na karon sa Southern Philippines Medical Center (SPMC) si Pamela Pascual, 16 anyos.
Sumala ni Sr. Fire Officer 4 Rosalia, ginalantaw nila nga LPG ang tinubdan sa maong sunog gani nagapadayon sa gihapon ang ilang imbestigasyon.
Gideklara nga fireout ang insidente alas 5:00 sa buntag sa kabomberohan.
Samtang gidala na sa Scene of the Crime Operatives (SOCO) ang mga nasunog nga lawas sa mga biktima padulong sa Angel Funeral Homes alang sa post mortem examination.
RadyoMaN Jason Amisola
