General Santos City–Mukabat ngadto sa 14 ka mga kaso sa pagpamusil sa Gensan ang gikonsiderang solved human nasikop ang gi-aligarang gun for hire sa syudad nga si Jhon Cavan, legal age, nga taga Digos City.
Gibutyag ni Police Chief Supt. Marcelo Morales, PNP Regional Office-12 director nga migawas sa ilang imbistigasyon nga ang suspek lambigit sa 13 ka mga murder cases ug 1 ka frustrated murder sa syudad sugod niadtong 2016 hangtud sa kasamtangan apil na dinhi ang pagpatay kang Po1 Glen Alicarte.
Sa Datus nga gipagula sa Police Regional Office-12 nasayran nga tuig 2016 (2) ka mga kasong pagpatay ang gikalambigitan sa suspek, (8) sa tuig 2017 samtang (4) sa tuig 2018 kini subay na usab sa resulta sa ballistic examination sa mga pusil nga gigamit sa suspek ingon man sa taho sa mga testigo sa mga nahitabong pagpamusil sa dakbayan.
Sa karon padayon pang ginasuta sa Kapulisan kung may mga kaubanan ang suspetsado sa ginahimong pagpatay sa Gensan.
Kahinumduman nga una nang nadakpan si Cavan sa Syudad sa Digos niadtong nakalabayng simana pinaagi sa warrant of arrest gawas sa Regional Trial Court sa maong lugar. (Dave Silagan)
