General Santos City–Nagpadayon pa ng gihimong imbistigasyon sa Police Station 5 kalabutan sa reklamo sa usa ka dalaga nga biktima sa gang rape sa may, Barangay Tambler Gensan.
Sumala ni Police Sr. Inspector Lemuel Enrejo, deputy chief of police sa Police Station 5 nga sa kasamtangan gipailawom pa sa medical examination ang biktimang itago lang sa pangalang alias “Girlie”, legal age, residenti sa maong Barangay.
Tumong aron masayran kung tinuoray gyud nga nabiktima sa lugos ang n asangpit nga biktima. nasayran nga Subay sa reklamo sa biktima sa WCPD alas 2:00 sa kaadlawon sa nakalabayng adlaw dihang nahitabo siya gipuli-pulihan ug lugos sa iyang uyab ug tulo ka barkada sa suspek.
Dugang pagbutyag ni Police Sr. Inspector Enrejo nga ila pang gihuwat ang desisyon sa dalaga kung iya bang pasakaan ug kaso ang mga suspetsado. Apan bisan dili mupasang-at ug kaso ang biktima, ang tambler PNP maghimo gihapon ug inisyatibo sa pagpasang-at ug kaso sa mga suspek.
Ila nalang ginahuwat sa kasamtangan ang resulta sa medical examination nga gipailawom sa nasangpit nga biktima.
Nasayran nga sikop ang uyab sa biktima nga si Alias Jan-jan ug usa pa ka suspek nga si Keven samtang padayon pang gipangita si Alias Tata ug laing usa pa ka suspek human nakasibat.
