General Santos City–Dismayado si Kiamba Mayor Raul Martinez sa kamatayon ni municipal kagawad Ronnie Mamaclay ug Barangay Poblacion Kagawad Jojo Orobia.
Labaw nga gikadismaya niini ang gisulti sa mga asawa sa nasangpit nga mga opisyal nga wala misukol ang mga nahisgutan gumikan wala man silay gigunitang mga armas.
Dili hinuon masulti sa mayor kung adunay kapalpakan ang kapulisan sa gihimong operasyon human nga patay gyud ang duha ka mga target sa operasyon.
Gihingusgan usab ni Mayor Raul Martinez nga maayo ang record ni Kagawad Mamaclay sa lungsod.
Gani consistent number 1 municipal kagawad ang nahisgutan sa lungsod sa Kiamba matag papili niini sa election. dili usab kumbinsido ang nasangpit nga lambigit sa iligal nga aktibidad sa lungsod sa kiamba, usa ka pamatuod niini ang pagsalig nga gihatag kaniya sa katawhan sa lungsod.
