General Santos City–Mechanical engine trouble ang gitudlong hinungdan sa pagkahagsa sa Chartered Chopper sa dole Philippines sa Sitio Glandang Brgy. Kablon Tupi, South Cotabato kagahapon sa buntag.
Basi sa inisyal nga imbistigasyon sa kapulisan, mukabat ngadto sa P30 milyones ang damyos sa pagkahagsa sa maong chopper.
Gibutyag ni Police Chief Inspector Lemuel Josef Clarete , Acting Chief of police sa Tupi Municipal Police Station nga ang maong Chopper padulong unta sa Surallah South Cotabato apan kalit lang nga napalong ang makina hinungdan sa pagkahagsa alas 9:59 sa buntag.
Giila ang Piloto sa chopper nga si Dennis Figueroa ug pasahero niini mao nilang si Dr. George Gonzales ug mga taga Europa nga silang Cecilia Donaire ug Alicia Bingco nga mga executives sa dole philippines.
Dungag pa niini, Under recovery human nakaangkon ug mga minor injuries ang mga nasampit nga biktima apan anaa na sa usa ka pribadong tambalanan dinhi sa siyudad. Sa karon , Padayon pa gihapon ang imbestigasyon bahin niining insidenti. (Art Javier)
