General Santos City–Gituyo matud pa sa militar ug kapulisan nga wala gilayon gisikop ang mga target sa ilang ggihimong operasyon niadtong milabay nga adlaw nga miresulta sa kamatayon sa number 2 man sa Maute Isis Group nga si najib Pundog alyas Najib Hussein ug pagkasikop sa igsuon niini nga si Nafisah Pundog ang gikaingong asawa sa bag-ong lider sa Dawla Islamiya Maute-ISIS Group nga galihokan sa Lanao nga si Owaida Marahombsar alyas Abu Dar.
Sumala pa ni Col. Adonis Bajao ang commanding officer sa Joint Taskforce, Gensan nga unang misulod sa syudad si Nasifah, samtng pipila ka adlaw ang milabay misunod usab ang iyahang igsuon nga si Najib apan wala nila gilayon nga gisikop tungod ila pang gisuta kung kinsa ang adtuan sa mga nasangpit nga mga terorista.
Posible matud pa nga igo rang mipahulay ang mga nasangpit sa Gensan gumikan sa hilabihang operasyon sa militar sa Lanao Batok sa mga terorista.
Gibutyag sa opisyal nga ila unang gisiguro nga hinog na nag impormasyon ilang nadawat ayha nila gipahigayonan ug operasyon nga miresulta sa kamatayon ni Najib ug pagkasikop sa igsuon niini.(Dave Silagan)
