General Santos City–Daku ang kalipay karon nga gibati sa mga kabanay sa 14 ka mga biktima sa pagpamusil sa syudad human nga nahatagan na ug kasulbaran ang nahitabo ngadto sa ilahang mga kabanay tungod sa pagkasikop sa nag-unang suspect nga si John Cavan didto sa syudad sa Digos niadtong milabay nga simana.
Sumala pa ni Nenet Diosana ang inahan sa unang biktima sa suspect sa syudad nga si Danilo Diosana nga daw sa nakunhoran ang kasakit nga ilahang gibati tungod kay sa dugay nga panahon nasikop na ngagyud ang suspect ug nahatagan ug hustisya ang pagkamatay sa iyahang anak.
Naglaum man usab ang nasangpit nga inahan nga itug-an sa suspect ngadto sa korte ang iyahang nabal-an kung kinsa ang nagsugo ngadto kaniya nga patyon ang nasangpit nga si Danilo niadtong July 22, 2016.
Nadismaya man usab kini human nga wala na niatubang kanila ang suspect sa gipahigayon nga press conference sa kapulisan niadtong milabay nga adlaw tungod kay aduna unta siyay gustong ipangutana sa nasangpit nga suspect. (Dave Silagan)
