General Santos City—Nakapyansa na ang Pulis nga una nang gikasuhan sa buhatan sa Police Station 4, kansa nagmaoy pinaagi sa pagpabuto ug armas sa PI-16, Barangay City Heights, Gensan pipila na ka simana ang nakalabay.
Subay sa record sa Police station 4, alas 3:35 ang takna sa hapon kagahapong adlawa dihang gi-release gikan sa kustudiya sa Police Station 4 si Po1 Melvin Lamanero, human nga nakapyansa kini ug P3,000.00 sa kasong Alarm Scandal nga gipasang-at batok kaniya.
Kahinumduman nga una nang gikasuhan si Lamanero human nga nagpabuto ug pusil didto sa PI-16 nga gikaalarma sa katawgan sa lugar apan wala kini nadakpan gilayon human nga misibat, misurender hinuon kini sa kanhing hepe sa Police Station 6 nga si Police Chief Inspector Reynaldo De Armas.
