General Santos City–Padayon pa karon nga ginasuta sa Police Station 2 kung si kinsa ang nanag-iya sa mukabat 265 ka sakong uling nga una na nilang narekober, daplin sa baybayon sa Purok Kulasi, Barangay Labangal Gensan alas 11:00 sa gabie niadtong martes.
Sumala ni Police Chief Inspector Patrich Elma, Hepe sa Makar Police Station nga sa kasamtangan wala silay nakuhang impormasyon sa lugar kung si kinsa ang nanag-iya sa maong mga uling.
Nasayran nga nakadawat nalamng ug impormasyon ang kapulisan nga matud pa dunay gihatod nga mga sinakong uling sa lugar karga sa bangka.
Dugang pagbutyag ni PCI Patrich Elma nga basi sa impormasyong nakaabot kanila, gikan sa Sarangani ang maong mga uling. Gikarga kini ug bangka ug gibilin sa maong lugar. Nasayran nga gikatakda kining i-deliver sa Gensan City Public market aron nga ibaligya.
Samtang gibutyag pa ni PCI Elma nga posibling nakamatikod sa presensya sa kapulisan ang mga nagdala sa maong mga uling mao nga ila nalang gibyaan didto sa lugar.
