General Santos—Takdang mag-apply ug Seach Warrant ang kapulisan ngadto sa korte aron nga maablihan ang laptop ug mga cellphone nga narekober sa panimalay ni Najib Pundog ang no. 2 man sa Maute-ISIS Terror Group nga napatay sa operasyon sa kapulisan ug militar niadtong nakalabayng adlaw.
Tumong aron sayron kung unsay plano sa mga nahisgutan sa Gensan ayha pa gihimo ang operasyon sa kapulisan ug militar.
Gibutyag ni Police Sr. Supt. Raul Supiter, ang City PNP director sa Gensan City Police Office nga ila usab sayron ang mga impormasyon nga adunay taga gobyerno nga mitabang sa mga suspek nga makasulod sa Gensan.
Nasayran nga sa karon nagpabilin pa sa kustudiya sa Police Station 7 si Nasifah Pundog asawa sa bag-ong lider sa Maute-ISIS group kansa una nang nasikop sa Joint Task Force Gensan kansa nag atubang usab ug kasong criminal.(Dave Silagan)
