Sa pagbundak sa ulang niadtong Sabado sa gabie subling nakasinati sa pagbaha ang sentrong bahin sa dakbayan sa Butuan sama sa naandang problema ning syudad sa nakalabyang mga katuigan.
Gumikan niini nibaha usab ang komentaryo gikan sa mga katawhan kung nganong gibaha gihapon ang sentro sa Butuan luyu pa man nga anaa nay dagkung drainage system ang dakbayan.
Sa interview sa RMN DXBC Butuan, gibutyag ni City Councilor Vincent Rizal Rosario nga wala pa hingpit nahuman ang proyekto nga Butuan Urban Drainage Canal ni Mayor Ronnievic Lagnada.
Niya pa nga gibahin sa tulo ka mga clusters ang naasyong proyekto ug ang uban niini natapos na apan daghan pa usab ang padayong gitrabaho.
Aminado si Konsehal Rosario nga medyo nalangay ang pagtiwas sa maong proyekto sanglit nakatagbu kini ug mga problemang legal sama sa maapektohang road right of way.
Apan bisan pa niini mas bintaha karon kompara kaniadto sanglit dali man lang mohubas ang tubig baha sa sentrong bahin ning syudad sa Butuan gumikan sa dagkung drainage canal nga nahimu operational (wirth reports archer capadeso/ivy falcone). [image: rosario vincent.jpg]
