Gimando sa korte sa Olongapo City nga buhian si US Marine Lance Corporal Joseph Scott Pemberton nga na-convict sa pagpatay sa Filipino transgender woman nga si Jennifer Laude kaniadtong 2014.
Sa desisyon nga giisyu sa City Regional Trial Court Branch 74 niadtong Septyembre 1, gipaluyohan niini ang partial motion for reconsideration ni Pemberton alang sa pagsusi, ug gimandoan ang Bureau of Corrections nga buhian ang langyaw gikan sa pagkabilanggo.
Giingon sa korte nga si Pemberton nagsilbi na sa iyang sentensya nga 10 ka tuig, usa ka bulan ug 10 adlaw nga pagkabilanggo alang sa Good Conduct Time Allowance.
Kahinumduman nga si Pemberton gisentensiyahan sa Court of Appeals hangtod sa 12 ka tuig apan gihukman nga hangtod sa 10 ka tuig alang sa pagpatay kang Laude.
