Patay ang usa ka asawa human gidunggab sa iyang bana taliwa sa ilang panaglalis tungod lang sa bunga sa saging , didto sa Sitio Lower Barangay Tubod sa syudad sa Toledo .
Ang asawa nga ginganlan ug Azucena Cullar, 43 anyos gidunggab sa iyang bana nga si Marcelo Cullar, 35 anyos .
Naglalis ang magtiayon human ang asawa nasuko nga nanghatag ang iyang bana nga si Marcelo ug bunga sa ilang saging ngadto sa ilang silingan .
Nagkainitay ang ilang lalis hinungdan sa pagdunggab ni Marcelo ngadto ni Azucena nga maoy gikamatay niini .
Samtang sa dakbayan sa Naga ,samdan ang usa ka anak nga lalaki human gitigbas sa iyang amahan tungod gihapon sa saging .
Sa imbistigasyon sa kapolisan nag-away ang anak nga si Roland Umandam ,34 anyos sa iyang amahan nga si Rolando Umandam , 75 anyos .
Ang hinungdan kay ang tinanom nga mga saging sa anak nga si Roland, giangkon ug giharvest sa iyang amahan .
Samtang sila naglalis nagkuha ug sundang ang amahan ug gitigbas niini ang anak nga si Roland ug nasamdan sa iyang abaga.
