Usa ha duha nga preso nga naka eskapo ha Tacloban PNP, padayon nga ginbibiling

Padayon pa nga ginbibiling han Tacloban City Police Office an usa ha duha nga preso nga naka eskapo ha Tacloban City Police Office (TCPO) lock up cell dida han alas 11:15 han gab-i kagab-i, Nobyembre 5, 2017.

Padayon nga ginbibiling han mga otoridad hi Mark Paul Grabillo, 25 anyos nga residente han Brgy. 62-A Sagkahan, Tacloban City nga may kaso ha pag talapas han section 5 ngan 11, Article 2 han RA 9165 o droga.

Kanina in sumurrender na ha usa nga barangay ha Tacloban an usa nga naka eskapo nga hi Rogelio Lao, 29 anyos nga residente ha Brgy. 36 Sabang, Tacloban City nga may kaso nga frustrated homicide.


Sumala kan PCInsp. Rex Cantillep, tagapagyakan han TCPO nga hi Lao an umakto nga nagkukuri an pag hinga ha sakob han TCPO lock-up cell, ginpagawas naman ni duty jailer PO3 Mark Bardillon ha second layer han presohan hi Lao ngan gin asistiran ni Grabillo. Tigda nala daw ginsuntok ni Grabillo an jailer ngan didto na gin abrehan ni Lao an main gate han presohan ngan kumalagiw an duha tipakadto ha may Madonna of Japan ha Magsaysay Boulevard kun diin may naghuhulat na ngadto nga motorsiklo.

β€œNaghahangyo kami ha iya pamilya ngan kasangkayan nga kun makaka contact hira in ipasurrender hi Grabillo agud atubangan iya kaso.”

Dugang pa ni Cantillep, nagdudumara naman daw hin inspection an TCPO ha mga preso ilabi na nga igin didiri an cellphone ha sulod han lock-up cell, posible daw nga nagkamayada hin komunikasyon an mga preso dida han visiting hours.

β€œSiguro nagkamay-ada hira hin communication during the visit.”
Iginrerekomenda yana han opisyal nga magkamayada hin galugad ha sakob han TCPO lock-up cell agud ma inspeksyon kun may mga cellular phone ha sakob han presohan nga nagagamit ha kumunikasyon han mga preso.

Facebook Comments