Davao City – Wala pa’y na-istablisar nga motibo ang Tagum City Police Office sa pagpamusil patay usa ka abogado nga si Connie Villamor nga nahitabo 8:00 karon lang buntag.
Si Inspector Jeffrey Bangcas nagbutyag nga dili pa nila makonekta kung aduna ba’y kalabotan sa trabaho ug sa negosyo ang rason sa pagpusil patay kang Villamor.
Segun ni Bangcas nga wala pa nila ma-istorya ang pamilya sa biktima hangtud niining higayona tungod sa kalit nga panghitabo sa abogado.
Gitug-an pa ni Bangcas nga ilado sa siyudad sa Tagum ang biktima apan naglisod pa sila og pa-tindog sa posibling motibo sa pagpamusil.
Miguwa sa inisyal nga imbestigasyon nga gikan sa pinuy-an ang biktima ug mupaingon na unta sa trabaho dihang kalit gibanhigan sa duha ka armadong nagmotor pag-abot sa usa ka dalan sa Tagum City.
RadyoMaN Joel Viray
