Lake Sebu- Usa ka balay ang nabungkag gumikan sa pagdahili sa yuta sa Sitio Lemkemwek, Barangay Lamlahak, Lake Sebu, South Cotabato niadtong nakalabayng adlaw. Ang balay gipanag-iyahan sa usa ka Bobby Ugal, 24, residente sa susamang lugar.
Ang landslide natigayon human sa sunod sunod nga pagbundak sa ulan sa probinsya sa South Cotabato niadtong nakalabayng semana.
Human sa insidente, gilayong nagpahigayon ug road clearing operation ang mga personahe sa Lake Sebu Engineering Office samtang gisuta na sa MDRRMC-Lake Sebu ang kinatibuk-ang danyos sa landslide.
Gihatagan na usab ug pinansyal nga ayuda ni Lake Sebu Mayor Floro Gandam ang apektadong pamilya . Gawas sa cash gihatagan usab ug housing material assistance ang pamilyang Ugal human gibungkag sa land slide ang ilang panimalay.
