Napansin napud sa international stage ang kaanyag sa Pinay pinaagi sa kadaogan sa pambato sa Pilipinas alang sa Miss Intercontinental 2017 pageant.
Sa iyang instragam post, proud kaayo nga mipahibaw si Katarina Rodriguez sa iyang kadaogan nga nahimo. Sa maong pageant nga gipahigayon sa nasud nga Egypt karong adlawa (Manila Time), tulo ka titulo ang iyang nalangkat: Miss Intercontinental 1st Runner Up, Miss Asia and Ocenia, ug 3rd Placer in Online Voting.
MIHANGYO SA IYANG FANS
Apan hangyo niya sa iyang fellow Filipinos nga dili na mokwestiyon sa resulta sa pageant kung diin ang crown ngadto napunta sa pambato sa nasud nga Mexico. Tungod alang kaniya “sweet woman and very deserving” ang nakaangkon sa maong titulo.
Usa pa sad kahibaw na kuno kaayo siya sa iyang gibuhat ug gipangstorya sa pre-pageant activities hangtud na sa coronation night. Kung naa man gane siya’y usbon sa iyang performance aron modaog, wa gyud kuno siya’y usbon.
Kahinumduman nga si Katarina Rodriguez usa pud ka runner up finisher sa sikat nga ANTM o Asia’s Next Top Model Cycle 2.
Applause alang sa kaanyag ug talent sa Pinay! Palaban kanunay! Viva, Pilipinas!
