Gialarma nga nasunog ang usa ka cabin sa MV Trans Asia 1 kaganihang pasado alas kwatro sa kadlawon sa Pier 7 FF Cruz wharf sa Dakbayan sa Mandaue .
Usa ka tripulante sa maong RORO vessel nga gipanag-iya sa Trans Asia Shipping Lines ang nakaangkon og minor injury sa iyang ulo atol sa maong panghitabo .
Luwas na hinoon sa peligro nga kahimtang ang apprentice mate nga si Gleen Ligit .
Sa inisyal nga imbestigasyon, nagtuo ang mga sakop sa Cebu City fire volunteer nga mirespondi sa maong alarma nga nagsugod sa chiller sa kusina sa maong barko ang sunog .
Apan unang nigawas sa ilang report nga faulty electrical wiring gikan sa gitawag nga ‘galley air blower’ sa barko’ nagsugod ang kayo .
Hinoon padayon pang gisuta sa kabomberohan ang origin sa Pagka-sunog sa usa ka cabin sa MV Trans Asia 1 .
Pasado alas siete ganihang buntag gideklarar sa kabomberohan nga fire out ang nadawat nilang sunog gikan sa MV Trans Asia 1 .
