Davao City-Hangtod karon wa pa makit-i, ang usa ka tigulang nga babaye nga namissing human gianod sa flash flood sa Barangay Tandawan, New Bataan, Comval Province niadtong sabado sa hapon.
Base sa ulahing report gikan sa Office of the Civil Defense (OCD-XI), ang giingong missing giila nga si Pacita De Vera, 60 anyos, samtang ang namatay mao si Narciso Aloso, 60 anyos kalakip sa 13 ka mga pasahero nga nagsakay sa usa ka pribadong sakyanan sa dihang gibanlas sa baha.
Sumala ni Leoncio Cirunay OCD-XI Director, alas 2:00 sa kahaponon samtang naglabigar sa dalan ang sakyanan, kalit na lamang migawas ang baha hinungdang gianod ang maong sakyanan nga miresulta sa pagkaangol sa 13 ka mga pasahero, usa ang namatay ug usa ang missing. Matud ni Cirunay, nagpadayon karon ang pagpangita kang Pacita De Vera human naanod tungod sa kakusog sa bul-og sa tubig. Gitohoang kusog ang ulan sa bukid nga bahin nga gitohoang buhawi nga miresulta sa flash floods.
Kasamang Bernard Pantallon
