Sikop ang usa ka inahan samtang na-rescue ang upat ka mga bata sa usa ka rescue operation sa Women and Children Protection Center-Mindanao Field Office, alas-10 kagahapon sa buntag sa may Barangay Tubod, ning dakbayan.
Matud pa ni Police Lt. Col. Christine Tan, hepe sa WCPC-MFU, nagpositibo kagahapon ang ilang gihimong surviellance batok sa 27 anyos nga inahan nga adunay lima ka mga anak, busa nila kini gi-aresto.
Naluwas ang upat ka mga bata nga nagpangidaron og 10, 9, 8 ug 3. Duha niini anak sa suspek, samtang pag-umangkon niya ang duha.
Miingon si Tan nga istilo sa suspek nga pahubu-n ang mga bata aron ipakita ang mga pribadong bahin sa lawas atubangan sa webcam samtang nagtan-aw ang usa ka langyaw.
Dugay na nilang gipailawom sa surviellance ang maong inahan ug dugay nang bu-ot sikopon apan idlas kini og dili ma-timingan.
Gi-angkon sa suspek nga pinadalhan siya sa langyaw og kwarta nga nagkantidad sa 2,500 hangtud sa 3,500 matag padala, apan miingng usa pa ka bulan niyang naila ang langyaw pinaagi sa facebook.
Wala usab, matud pa’y rason ang pagpadala niini kaniya og kwarta kay bu-ot lang makatabang sa pamilya.
Mamaligya-ay og balot ang iyang bana samtang siya walay insaktong trabaho.
Apan kining tanan didto na niya isulti sa korte tungod kay mag-atubang naman siya sa mga kasong paglapas sa Human Trafficking Law, Cybercrime Prevention Act, Child Pornography Act and Special Protection Against Child Abuse Act nga ipasaka batok kaniya.
Ang mga bata gipailawom nas kostudiya sa Department of Social Welfare and Development o DSWD.
