General Santos City—Giangkon ni Barangay San Isidro Kapitan Jeprox Yumang nga daghang problema gyud ang ilang gisagubang atol sa pag release sa Social Amelioration Program (SAP) sa DSWD.
Matud ni Kapitan Yumang, gawas sa pagtapok sa bagang duot sa binepesyaryo ug wala pagtuman sa social distancing, midagsa usab ang mga tawong wala naapil isip kwalipikadong makadawat ug binipisyo.
Samatng gi-angkon usab ni Kapitan Yumang nga sa unang adlaw sa ilang pagpanghatag ug pinansyal nga ayuda nalapas gyud nila ang curfew sa syudad tungod kay milampas sila ug alas 9:00 sa gabie.
Pagpasabot pa sa kapitan nga gabie na silang gi-abisohan sa CSWDO-Gensan nga pwede nang i-release ang P5,000.00 nga financial assistance sa mga kwalipikadong indibidwal hinungdan nga dili gyud malikayan nga adunay nahitabong kaguliyang.(CDS)
