General Santos City—Patay ang usa ka Lalaki human nalumos sa Tropicana Beach Resort nga nahimutang sa Barangay Tambler, Gensan kagahapon December 10, 2017.
Ang Biktima nailhan nga si Anthony Medina Cugay, 23 anyos, empleyado sa RD fishing ug lumolopyo sa Purok 21, Uhaw, Barangay Fatima sa maong lugar.
Subay sa imbistigasyon sa kapulisan nasuta nagsaulog sa ilang Christmas party ang biktima uban sa iyang mga kaubanan sa trabaho, samtang nagpadayon ang party, kalit lang nahanaw ang nahisgutan.
Pila ka minutos ang nakalabay, nakit-an nalang ang biktima nga naglutaw na sa tubig. Daling gidala sa ospital ang biktima apan gideklara kining dead on arrival. Sa karon nagpadayon ang gihimong imbistigasyon kalabutan sa insidenti.
Facebook Comments
