Usa ka libo ka pamilya sa Boganga Transitory Shelter sa Marawi City ang midawat ug food packs gikan sa Philippine Red Cross inabagan sa King Salman Foundation sa Saudi Arabia atol sa gihimong launching ceremony kagahapong adlawa.
Matud ni Mr. Leonardo Ebajo, Disaster Management Director sa Philippine Red Cross nga mokabat sa 5 million US dollar ang gigahin nga budget alang sa maong katuyo-an.
Mismong si PRC Chairman Senator Richard “Dick” Gordon matud pa ang nangita ug pamaagi aron matabangan ug mahatagan sa ilang pagkaon ang mga displaced person sa Marawi gumikan sa nahitabong giyera kaniadtu.
Molungtad hangtud sa unom ka bulan gikan karon ang maong proyekto kun asa gilangkuban sa tag-25 ka kilos nga bugas, 3 ka tibook karneng manok, noodles, itlog, pan ug kape ang dawaton sa pamilyang benipesraryo niini.
