Malaybalay City, Bukidnon – Nabalaka ang usa ka psychiatrist ug medical doctor nga basin ma-abusaran ang paglegalized sa marijuana isip medication sa oras nga hingpit mahimong usa ka balaud.
Una niini lusot na sa komite sa Kamara ang draft committee report alang sa balaudnong nagtumong nga himoong ligal ang medical marijuana.
Sa interview sa RMN Malaybalay ngadto kang Dr. Rene Obra, usa ka psychiatrist, medical doctor ug madungog sa dramang Kini ang akong Suliran gibutyag niini nga basin himoong rason sa mga madakpan sa marijuana ang pag-legalized isip tambal.
Matud ni Dr. Obra nga aduna pa usab daw’y daghang pamaagi sa pagpanambal nga dili na kinahanglan ang marijuana.
Sigun niini nga bisan sa ilang kahugpungan sa mga Doctor tunga usab ang opinion kalabot sa mao nga hisgutanan.
Aduna matud pay dili maayo nga epekto ang marijuana sa katilingban.
Tambag pa niini sa mga magbabalaod nga angayan nga tun-an pag-ayo ang mao nga balaudnon aron dili kini makahatag ug problema sa nasud.
Kung daghan ang nagtanom ug marijuana ning kasamtangan nga bawal sa balaod gikabalak-an nga musamot pa kung hingpit na kining usa ka balaud.
