Sultan, Kudarat- patay na dihang nakaplagan ang usa ka pulis sulod mismo sa iyang sakyanan pasado ala 1:00 ang takna sa hapon sa may Purok Osmena, Brgy Poblacion, Bagumbayan,Sultan Kudarat.
Giila ang biktima nga si Major Kristian Ace P. Sularte, 35, ulitawo, kasamtangang nadestino sa RMFB 11, ug residente sa samang lugar.
Subay sa report, nakaplagan nalang si Sularte nga wala nay kinabuhi sulod mismo sa iyang kotse nga usa ka Mitsubishi Mirage , nga nakapark lang gawas sa iyang panimalay.
Narekober sulod sa iyang sakyanan ang iyang armas nga posibleng gigamit matud pa niini sa pagpusil sa iyang kaugalingon.
Apan wala usab gibalewala sa PNP ang anggulong may foul play sa maong insidente.
Sa karon nagpahigayon na ug makuting imbistigasyon ang kapulisan sa Bagumbayan, kalabutan sa kamatayon sa nasampit nga Police.
