*Magtiayon ug usa nila ka 10 anyos nga anak apil sa napaig sa pagkasunog sa ilang bunkhouse likod sa lumberyard sa Hernan Cortes Street sa dakbayan sa Mandaue kaganinang pasado alas 4:00 sa kadlawon .*
*Ang lumberyard iya sa MELGO General Sales Incorporated.*
*Ang naapil ug kapaig nailhan nga sila si Antonio ug Maricel Libre-Paz magtiayon ug ilang 10-anyos nga anak nga ginganlan ug EJ nga mga taga San Carlos sa Negros Occidental.*
*Si Senior Fire Office 1 John Herediano nibutyag nga dali ra kaayong nilamoy ang kayo sa barong-barong nga gikatulgan sa pamilyang Paz hinungdan nga gitohoang naglisod na sila sa pagkalingkawas sa sunog .*
*Ang alarma sa sunog nadawat sa Bureau of Fire Protection sa Mandaue alas 4:10 ug nakontrolar ra usab dayon pagka alas 4:15 sa kadlawon .*
*Ang BFP – Mandaue City padayong nag-imbistigar sa hinungdan sa sunog .*
