Davao City – Pulos gipangdala sa Burn Center sa Southern Philippines Medical Center (SPMC) ang upat ka sakop sa usa ka pamilya human nakaangkon og paso sa pipila ka parte sa ilang kalasawan.
Giila ang mga biktima nga mao sila Danica Mancalbao, Mark Mancalbao, Maciana Mancalbao, ug Darwin Mancalbao, pulos residente sa Tacurong, Don Marcelino, Davao Occidental.
Sa report, pulos nagdiskanso ug nangatulog ang mga biktima dihang kalit gidakop sa kurtina ang siga sa ilang lampara resulta misilaob ang kalayo sa ilang balay nga natigayon ala 1:33 sa hapon.
Tungod sa hinanok nga pagkatulog ang mga biktima, wala dayon nila madiskitahi ang pag-ulbo sa kalayo sa ilang balay hinungdan nga nangapaso ang pipila ka parte sa ilang lawas.
Maayo na lamang kay dunay mga silingan nakadungog sa pagtiyabaw sa mga biktima maong dali silang gitabang ug gidala sa ospital.
RadyoMaN Joel Viray
